Ганна Энгелькінг — польскі этнограф і этналінгвіст, ад’юнкт у Інстытуце славістыкі Польскай Акадэміі навук. Займаецца антрапалёгіяй беларускай вёскі ды гісторыяй польскай этналёгіі. Праводзіла палявыя дасьледаваньні на польска-беларуска- літоўскім памежжы, на Палесьсі і ва ўсходняй Беларусі. Апрацоўвае навуковую спадчыну Юзафа Абрэмбскага, на сёньняшні дзень выдала два зборнікі ягоных працаў: «Dzisiejsi ludzie Polesia i inne eseje» (2005) і «Polesie. [Studia etnosocjologiczne. T. 1]» (2007). Рыхтуе да друку манаграфію «Калгасьнікі. Антрапалёгія самасьвядомасьці беларускай вёскі на мяжы XX і XXI стагодзьдзяў». (Фота: svabora.org)